 |
 |
 |
|
Mien Froo is bi de Füürwehr
Theoter, Theoter, ..., de Vorhang geiht op!
Wi kreegen een Plokot und Zeddels in't Hus, dat de "Speelköppel Kührs" ton Theoterstück inlood.
Dat schull in de Schützenhalle in Kührs stattfinn'.
Sünnobend, den 27. November wär dat denn so wiet: mit 10 von unse Bewohner föhrn wi in Konvoi
no Kührs.
Unse Lüüd wärn all bannig obgeregt. De Froonslüüt han sick extra von unse Hoorbegerin flott moken looten
(man wull jo schick utseen).
In Kührs wär von DRK extra een Disch for uns reserviert woorn.
Een bannig grootes Stück Torte, Botterkoken und onnigen starken Koffee tööft op uns.
Bin Theoterstück ha'n wi onnig wat to lachen. Unse Bewohner häbt sik dat Stück mit Begeisterung
ankeeken und sick köstlich amüseert.
In de Pausen käm' masse Lüüd bi uns an'n Disch, de wecke von unse Bewohner kennt häbt.
Dorüber häbt se sick düchtig freut, dat se ok noch Bekannte dropen kunn.
Pünktlich to'n Obendbrot häbt wi jem all woller no Hus brocht.
Dat wär een ganz tollen Nomiddag for unse Lüüd und wi bedankt uns bi all, de uns
unnerstützt häbt.
Silvia Ahrens
|